Tinapos na ng panel of prosecutors ng Department of Jusctice (DOJ) ang kanilang preliminary investigation kaugnay sa mga nadiskubreng magnetic lifters na pinaglagyan umano ng smuggled na droga sa Cavite.
Ang nasabing shabu shipment ay posibleng abutin ng bilyong pisong halaga ng illegal drugs ayon sa Philippine Drug Enforcement Agency (PDEA).
Sa naging pagdinig ay sumalang sa matinding mga tanong ng mga prosecutors ang mga kinatawan ng PDEA at National Bureau of Investigation na kapwa complainant sa kaso.
Ang nasabing shipment ay naunang inimbestigahan ng PDEA noong Agosto ng nakalipas na taon at sumunod naman sa imbestigasyon ang NBI noong nakalipas na buwan ng Enero.
Kabilang sa mga respondent sa reklamo ay sina fdating Customs Chief at ngayo’y Technical Education and Skills Development Authority (TESDA) Director General Isidro Lapena, Vener Baquiran, Zsae Carrie de Guzman, John Mar Morales, at Benjamin Cajucom.
Sila ay kinasuhan ng dereliction of duty in violation of the Revised Penal Code; violation of Section 3(e) of the Republic Act 3019 (Anti-Graft and Corrupt Practices Act); at grave misconduct in violation of the Code of Conduct for Public Officials and Employees.
Ang NBI ay nagfile rin ng hiwalay na kaso laban sa ilang personalidad kaugnay sa nasabing shabu shipment.
Kinabibilangan ito nina dating Intelligence Officer Jimmy Guban, PDEA Deputy Director Ismael G. Fajardo, Senior Superintendent Eduardo P. Acierto, at dating Customs Deputy Commissioner Ricardo Quinto nag paglabag sa RA 9165 (the Comprehensive Dangerous Drugs Act of 2002); violation of Section 3(e) of RA 3019; and for grave misconduct.
Noong December 13, 2018, ang PDEA ay naghain rin ng reklamo sa 44 respondents kabilang sina Guban, Fajardo, at Acierto kaugnay sa importation of dangerous drugs, attempt of conspiracy, at liability of a person violating any regulation issued by the Dangerous Drugs Board (DDB).
Ang DOJ panel ay mag-iisyu ng hiwalay na resolusyon sa nasabing kaso.