Kalahating milyon pisong halaga ng shabu nasabat sa Zamboanga
Nakumpiska ang mga ilegal na droga sa loob ng Zamboanga Integrated Port sa Zamboanga City.
Pawang mga tauhan ng Coast Guard Zamboanga at Station Drug Enforcement Unit (SDEU) ng Zamboanga Police Station 6 ang nagsagawa ng joint buy-bust operation.
Nagresulta ang operasyon sa pagkakaaresto sa suspek na si Jeanelyn Sinining, residente ng Brgy. Upper Calarin, Zambonga City.
Nakuha sa kaniya ang 13 medium size at 1 large size ng plastic na naglalaman ng hinihinalang shabu.
Nasa 82 grams ang bigat nito at tinatayang nagkakahalaga ng P557,000.
Ayon sa suspek, galing ang ilegal na droga sa isang pasahero ng cargo Motor Vessel na Bounty Cruiser na dumating sa Port of Zamboanga City galing Jolo, Sulu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.