Kidapawan City makakaranas ng 2-3 oras na brownout
Makararanas ng rotational brownout ng dalawa hanggang tatlong oras kada araw ang Kidapawan City.
Ayon sa Cotabato Electric Cooperative, mararanasan ang rotational brownout hanggang sa ikalawang linggo ng Disyembre.
Paliwanag ng COTELCO, ang power outages sa Therma South Incorporated Powerplant sa Toril District sa Davao City ang dahilan kung kaya makararanas ng rotational brownout ang Kidapawan.
Nabatid na kinukulang ng sa 130 megawatts ng suplay ng kuryente ang Mindanao grid dahil sa power outages sa Davao.
Dagdag ng COTELCO, sumasailalim din ngayon sa preventive maintenance ang Therma Marin Incorporated sa Maco, Compostela Valley.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.