Umaasa ang Malacañang na hindi aabot hanggang sa buwan ng Agosto ang reenacted budget.
Ayon kay Presidential Spokesman Salvador Panelo, may ginagawa nang pag-uusap ngayon ang Kamara at Senado para plantasahin ang gusot sa budget.
Una rito, sinabi ni Senador Ping Lacson na naglaan si House Speaker Gloria Macapagal Arroyo ng P95 Billion na pondo para sa infrastructure project ng kanyang mga kaalyado.
Ayon kay Panelo, maari rin namang kausapin ni Pangulong Rodrigo Duterte ang liderato ng kongreso para tapusin na ang gusot.
Tiniyak naman ni Panelo na bubusisiin nang husto ni Pangulong Duterte ang budget kapag dumating na sa kanyang lamesa.
Sa kanyang talumpati, sinabi ng pangulo na hindi niya lalagdaan ang pambansang budget kapag may nakita siyang iregularidad dito.