91-anyos na war veteran sa Davao Del Sur nakuhanan ng armas

Nakumpisma mula sa 91-anyos na war veteran ang kaniyang armas kasabay ng ipinatutupad na ‘Oplan Katok’ ng pulisya bilang pagtugon sa umiiral na gun ban ng Commission on Elections (Comelec).

Ayon kay Sr. Supt. Alan Manibog, police provincial director sa Davao Del Sur, nakuha kay Rogelio Agliam Pascua ang kaniyang 9-mm pistol na may dalawang magazines at walong bala.

Si Pascua na residente ng Barangay Ibo sa bayan ng Malalag ay isang beterano ng World War II.

Ang armas ni Pascua ay nasa master list ng registered firearms sa munisipalidad.

Samantala, ipinag-utos ni Manibog sa lahat ng pulis sa lalawigan na mahigpit na ipatupad ang gun ban.