Mismong si Senador Francis Escudero na ang nagsabing hindi maaring maging substitute ng kanyang ka-tandem na si Senador Grace Poe ang ina nitong si Susan Roces.
Ito ay kung sakaling madiskwalipika si Poe na lumahok sa 2016 presidential election dahil sa pagkwestiyon sa kanyang citizenship.
Ayon kay Escudero, malinaw na nakasaad sa batas na ang mga kandidatong nominado lamang ng isang registered political party ang maaring magkaroon ng substitution.
Sa kaso aniya nila ni Poe, pareho silang kumakandidatong independent.
Maging ang mga kilalang election lawyers na sina Romulo Macalintal at Sixto Brillantes ay sang ayon sa pahayag ni Escudero.
MOST READ
LATEST STORIES