Mga kaibigan at artista, nagluluksa sa pagpanaw ni Chokoleit
Maraming personalidad ang nagluluksa sa pagpanaw ng komedyanteng si Jonathan Aguilar Garcia o mas kilala bilang Chokoleit.
Gamit ang kanilang social media accounts, bumuhos ang pakikiramay ng mga malalapit na kaibigan at nakasamang artista ng 46-anyos na komedyante sa mga proyekto.
Sa Instagram, ibinahagi ni Pokwang ang isang hindi malilimutang alaala na ginawa sa kaniya ni Chokoleit bilang kaibigan.
Sinabi pa ni Pokwang na masaya siyang nakapagsasabi kay Chokoleit ng “I love you” kada magkakausap sila sa cellphone.
Samantala, nag-post ng itim na larawan si K Brosas dahil sa pagpanaw ng komedyante.
Aniya, hindi pa rin siya makapaniwala sa nangyari at humingi ng gabay sa Panginoon para malampasan ang pinagdadaanang kalungkutan.
Nagparating din ng pakikiramay sina Vice Ganda, Kim Chiu, Paulo Avelino, Ogie Alcasid at iba pa.
Nasawi si Chokoleit dahil sa pulmonary edema at heart attack matapos ang kaniyang out of town show sa Abra.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.