Easterlies, magdadala ng maalinsangang panahon sa bansa
Easterlies pa rin o hanging galing sa Silangan ang umiiral sa Luzon, Visayas at Mindanao.
Ayon sa Pagasa weather advisory Linggo ng umaga, magdadala ang easterlies ng humid o maalinsangang hangin lalo na sa tanghali hanggang hapon.
Ngayong araw ay maaliwalas ang papawirin sa luzon at halos walang kaulapan kaya mababa ang tsansa ng pag-ulan gayundin sa ilang bahagi ng Visayas.
Sa Timog na bahagi ng bansa ay posible ang thunderstorms o pagkidlat pagkulog sa hapon o gabi.
Sa Bicol Region naman ay bahagyang maulap pero may tsansa rin ng thunderstorms sa hapon o gabi.
Habang sa Metro Manila at natitirang bahagi ng bansa ay mababa rin ang tsansa ng pag-ulan at sa susunod na 24 oras ay maaliwas ang papawirin.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.