Arestado ang isang dealer ng high-grade marijuana o kush sa operasyon ng National Bureau of Investigation (NBI) Anti-Organized Transnational Crime Division sa Cainta, Rizal.
Idedeliver na sana ng suspek ang sachet ng kush nang maharang ito ng mga otoridad.
Nakuha sa dealer ang 36 gramo ng kush na nagkakahalaga ng P36,000.
Sa bisa ng search warrant ay hinalughog ang bahay ng suspek sa Barangay San Isidro at may nakuha pang kush, drug paraphernalia, liquid marijuana, marijuana capsule at bulto ng marijuana.
Isinailalim sa inquest proceedings ang suspek.
Aminado naman ang magulang ng tulak na alam nila ang gawain ng anak pero hilig umano ito ng suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.