M6.2 na lindol yumanig sa Surigao del Norte

(UPDATE) Niyanig ng magnitude 6.2 na lindol ang Surigao del Norte alas-11:16 ngayong gabi.

Sa impormasyon mula sa Phivolcs, ang episentro ng lindol ay sa layong 38 kilometro Hilagang-Kanluran ng bayan ng Burgos.

Labing-anim na kilometro ang lalim ng lindol at tectonic ang dahilan.

Unang sinabi ng Phivolcs na magnitude 6.4 ang lakas ng lindol ngunit ibinaba ito sa magnitude 6.2.

Naramdaman ang Intensity V sa Burgos, Surigao del Norte; Surigao City at Dinagat Island.

Intensity IV sa Butuan City; Abuyog, Leyte, Hinunangan, San Francisco, San Rocardo, Tacloban City sa Southern Leyte.

Habang Intensity II ang naramdaman sa Camiguin Island.

Instrumental Intensity III naman ang naitala sa Palo, Leyte; Borongan City; Cebu City at Gingoog City.

Instrumental Intensity II sa Argao City at Instrumental Intensity I sa Alabel, Sarangani; Cagayan De Oro City; Cebu City; San Francisco, Cebu at Ormoc City.

Sinabi ng Phivolcs na walang inaasahang pinsala sa mga ari-arian ngunit makararanas pa ng aftershocks dulot ng pagyanig.

TAGS: aftershocks, ari-arian, Burgos, episentro, Instrumental Intensity, intensity, lindol, magnitude 6.2, pagyanig, Philippine Institute of Volcanology and Seismology, pinsala, surigao del norte, tectonic, aftershocks, ari-arian, Burgos, episentro, Instrumental Intensity, intensity, lindol, magnitude 6.2, pagyanig, Philippine Institute of Volcanology and Seismology, pinsala, surigao del norte, tectonic