Arestado ang isang tulak ng droga sa Cebu City matapos itong makuhanan ng P30 milyong halaga ng shabu sa operasyon Biyernes ng gabi.
Ayon kay Sr. Insp. Renz Talosig, hepe ng Mambaling Police Station (Precinct 11), inaresto si Raven Donza, 20 anyos na nahulihan ng 5 kilo ng shabu.
Ang pagka-aresto kay Donza ay halos isang linggo matapos makumpiska ang 28 kilo ng shabu na nagkakahalaga ng P190.4 milyon sa dalawang raid sa Cebu City at bayan ng Consolacion.
Ang drug dealer na si Donza ay timbog sa buy bust operation sa C. Padilla Street, Barangay Duljo Fatima.
Itinuturing ng pulisya na big time drug dealer ang suspek.
Ang operasyon ay isinagawa ng Precinct 11 drug enforcement unit (DEU).
Nakakulong na si Donza sa Mambaling Police Station.