Bayad Center tumatanggap na ng bayad para sa bagong violation code sa illegal parking at obstruction

Matapos ipatupad ang pagtaaas ng bayarin para sa illegal parking at obstruction, tinatanggap na rin ng Bayad Center ang bayarin para dito.

Ito ang inanunsyo ng Metropolitan Manila Development Authority (MMDA).

Ayon sa abiso ng MMDA, tinatanggap na ng Bayad Center ang bayad para sa bagong violation code sa illegal parking at obstruction violations.

Kasabay nito, sinabi ng MMDA na naipadala na nila sa Land Transportation Office (LTO) ang updated na listahan ng mga motor vehicle plate numbers na merong hindi pa nase-settle o hindi pa nababayarang traffic violations.

Ito ay upang maisama ang nasabing mga plate number sa alarm list ng LTO.