SSS collection tumaas ng 10% sa unang 3 quarters ng taon

By Den Macaranas November 28, 2015 - 11:04 AM

sss_logo_0
SSS website

Inanunsyo ng Social Security System (SSS) na tumaas ng 10-percent ang kanilang koleksyon sa unang tatlong quarters ng 2015 kumpara sa kahalintulad na panahon noong nakalipas na taon.

Sinabi ni SSS Officer-in-Charge for Management Services and Planning division Dir. Eleonora Cinco na mula sa collection na P89.03 Billion ito ay tumaas sa unang tatlong quarters ng taon sa P98.26 Billion.

Pinaka-mataas sa kanilang koleksyon ay mula sa mga employed employees na tumaas ng 11-percent na mula sa dating P77.35 Billion ito ay umakyat sa P85.59 Billion.

Ang SSS sa kasalukuyan ay mayroong 33.33 Million members at 70-percent sa mga ito ay pawang mga employed employees.

Hinikayat din ng SSS ang mga delinquent employers na bayaran na ihulog sa ahensya ang kanilang mga ikina-kaltas sa mga empleyado para maiwasan ang mga patung-patong na kaso.

Pinayuhan rin nila ang lahat ng mga SSS members na i-rehistro online ang kanilang mga accounts para ma-monitor ng palagian ang kanilang mga contributions.

Para sa online registration, pwedeng mag-log-on ang mga SSS members sa www.sss.gov.ph.

TAGS: Contributions, sss, Contributions, sss

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.