Nagbabala ang Commission on Human Rights (CHR) sa posibleng maging bunga ng pagsasapubliko ng narco list bago ang eleksyon sa Mayo.
Sa kanilang pahayag, sinabi ng CHR na mauuwi lamang sa character assissnation, paninira at gulo ang balak ng Department of Interior and Local Government na pagsasapubliko ng mga pulitikong sangkot sa illegal drugs.
Hinamon rin ng CHR si DILG Sec. Eduardo Año na kailangang kasuhan na lamang kesa maglabas ng mga pangalang hindi naman beripikado ang pamahalaan.
Nauna nang sinabi ng Malacañang na galing sa wiretapped communications mula sa ibang bansa ang ilan sa mga pangalan sa ilalabas na narco list.
Sinabi ni Año na tuloy ang paglalabas nila sa nasabing listahan bago ang 2019 midterm elections.