Lalaki nang-hostage at namaril sa loob ng isang abortion center sa US
Makaraan ang halos ay apat na oras ay nahuli na rin ng mga otoridad ang lalaking nakipag-barilan sa mga pulis sa naganap na standoff sa isang Planned Parenthood family planning center sa Colorado Springs, Colorado USA.
Sinabi ni Colorado Springs Mayor John Suthers na hindi pa malinaw ang lahat kung bakit pinasok ng hindi pa pinangalanang suspect ang nasabing institusyon at hinostage ang ilang tao.
Sa kanyang pahayag, sinabi ni Lt. Catherine Buckley ng Colorado Police Department na labing-isa katao ang sugatan bukod pa sa apat na tauhan ng pulisya.
Nagsimula ang standoff pasado ala-una ng tanghali oras sa Colorado at nasukol ang suspect pasado alas-sais ng gabi.
Ito na ang ikatlong pagkakataon na nilusob ang ilang mga Planned Parenthood Family Center sa nasabing U.S State.
Bukod sa ordinaryong mga medical services, pangunahing ginagawa sa ganitong uri ng mga pasilidad ang abortion na legal sa ilang estado sa America.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.