Higit P3M halaga ng shabu, nakumpiska sa lalaki sa Maynila
Arestado ang isang 27 anyos na suspek matapos makuhanan ng mahigit P3 milyong halaga ng hinihinalang shabu sa buy bust operation sa isang hotel sa Ermita, Manila araw ng Miyerkules.
Nahuli ang lalaki matapos ang transaksyon sa ahente ng Philippine Drug Enforcement Agency (PDEA) na nagpaggap na buyer.
Nasamsam sa suspek ang 10 pakete ng shabu na tinatayang kalahating kilo ang bigat.
Ayon sa suspek, nautusan lamang siya na magbenta ng droga.
Kumagat lamang umano ang lalaki sa pagtutulak ng droga dahil sa kawalan ng trabaho.
Iniimbestigahan ng PDEA ang kasabwat ng suspek.
Ang suspek ay sasampahan ng kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.