Sa panayam ng Radyo Inquirer, sinabi ni Dy na mayroong ilang barangay officials na sadyang maliit ang natatanggap na sweldo.
Giit ni Dy, under compensated ang mga opisyal ng barangay at ang tinatanggap nilang sahod ay depende pa sa pondo ng kanilang barangay.
Kaugnay naman ng panukala na salary grade sa mga barangay officials, sinabi ni Dy na suportado ito ng kanilang grupo.
Malaki anya ang magiging katuwaan ng mga opisyal ng barangay kung maitataas ang kanilang tinatanggap dahil na rin sa bigat ng kanilang tungkulin.
Ayon kay Dy, ang mga opisyal ng barangay, partikular ang mga punong barangay, ay ginagampanan ang iba’t ibang tungkulin gaya sa ehekutibo, lehislatura at hudikatura.