Arestado ang tatlong lalaking estudyante sa buy bust operation ng Philippine Drug Enforcement Agency sa Central Visayas (PDEA-7) at City Intelligence Branch (CIB) sa Lapu Lapu City.
Nakuha sa mga estudyante ang halos P2.4 milyong halaga ng hinihinalang shabu.
Inaresto sina John Peppard Añalucas Beltran, 21 anyos, Mhar Abarri, 21 anyos at isang 16 anyos na lalaking suspek.
Ayon sa PDEA-7, ang mga suspek ay mga estudyante sa iba’t ibang eskwelahan sa Cebu na naaresto sa operasyon sa Barangay Pusok.
Narekober sa tatlo ang 5 plastic packs ng shabu na may timbang na 350 grams at nagkakahalaga ng P2.38 million at P3,000 cash.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.