Sunog sumiklab sa storage unit sa Camp Aguinaldo
Sumiklab ang sunog sa isang military storage unit sa Camp Aguinaldo sa Quezon City, Lunes ng hapon.
Sa inisyal na imbestigasyon, tinupok ng apoy ang Property Reutilization and Disposal Division (PRDD) area sa loob ng military headquarters pasado 2:00 ng hapon.
Agad rumesponde ang mga tauhan ng Bureau of Fire Protection (BFP) at volunteers sa sunog.
Nasa 20 trak ng bumbero ang rumesponde para apulain ang sunog.
Umabot ang sunog sa unang alarma at idineklarang fire out dakong 3:29 ng hapon.
Sa ngayon, patuloy pang inaalam ang sanhi ng sunog.
Tinatayang P200,000 ang halaga ng pinsala sa naturang military storage unit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.