Mga ahensiya ng gobyerno nagkaisa laban sa “Momo Challenge”
Iyan ay matapos ang kanilang pagpupulong noong nakaraang araw ng Biyernes (Mar. 1) sa tanggapan ng National Telecommunications (NTC) office na ang layunin ay agad na resolbahin ang kumakalat ngayong “Momo Challenge” na isa umanong viral online suicide challenge na ang target ay mga bata at mga menor de edad.
Sa panig ng PNP, sinabi nilang wala pang reklamo na idinudulog o isinampa sa kanilang tanggapan at wala pang URL o web page na natutukoy hinggil sa naturang challenge.
Ayon kay Department of Information and Communications Technology Sec. Eliseo Rio, pumayag na ang Facebook na i-block ang FB pages na nagpo-promote ng Momo challenge at iba pang mga kahalintulad na propaganda.
Sinabi ni Rio na may kapangyarihan din ang publiko na tuldukan ang ‘momo’ s are threat sa pamamagitan ng pagreport sa [email protected] ng anumang kaduda-dudang mga website na nagpapakalat ng suicide challenges, harassment at iba pang harmful content.
Nangako ang NTC na kagyat nilang aatasan ang internet service providers na agad na i-block ang mga kahina-hinalang URL’s.
May iba pa aniyang opsiyon ang publiko at iyan ay sa pagtawag sa Hotline ng PNP na 414-1560 o bisitahin ang pinakamalapit na Regional Anti-Cybercrime Unit o police station para ireport ang anumang insidente may kaugnayan sa Momo challenge.
Sa kasalukuyan ay sama-sama ang lahat ng mga ahensiya ng gobyerno sa pinaigting na Information campaign on digital parenting.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.