Ayon sa defense ministers ng dalawang bansa, ang desisyon ay bilang pagsuporta sa mga pagsusumikap para sa denuclearization ng Korean Peninsula.
Ang ihihinto ay ang Foal Eagle at Key Resolve exercises.
Matatandaang katatapos lamang ng second summit nina US President Donald Trump at North Korean leader Kim Jong Un sa Vietnam.
Marami ring military exercises ang sinuspide noong nakaraang taon buhat nang magpulong sina Trump at Kim.
Naniniwala ang North Korea na ang military games ng South Korea at US ay paghahanda para sa military invasion.
Samantala, wala namang napagkasunduan sa summit nina Trump at Kim sa Vietnam
Ito ay dahil ayon kay Trump, nais ng North Korea na alisin ang lahat ng economic sanctions laban sa kanilang bansa bago ang denuclearization.