Piñol sa mga magsasaka: ‘Wag matakot sa rice importation’
Sinabihan ni Agriculture Sec. Manny Piñol ang mga masasaka na huwag matakot sa pag-angkat ng bigas ng bansa.
Ayon kay Piñol, walang dapat ipag-alala sa plano ng gobyerno na i-liberalize ang rice importation.
Tiniyak ng kalihim na ang pag-angkat ng bigas ay hindi magiging dahilan ng paghinto ng produksyon ng local rice.
Paliwanag ni Piñol, limitado ang world supply ng bigas at kapag tumaas ang importation ng bansa ay tataas din ang presyo sa world market.
Giit pa ng opisyal, mayroon lamang tatlong milyong metriko toneladang bigas sa buong mundo na pwede sa importation dahil sa rice shortage.
Hindi rin anya magtatagal ang pag-depende ng Pilipinas ng bigas sa Vietnam, Thailand at ibang rice exporting countries dahil lumalaki rin ang populasyon ng naturang mga bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.