Ilang senatorial bets dumalo sa Panagbenga Festival

By Rhommel Balasbas March 03, 2019 - 01:24 AM

Hindi pinalampas ng ilang mga kandidato para sa May 2019 midterm elections ang street dancing parade para sa Panagbenga Festival araw ng Sabado.

Bagaman dumalo, iginalang naman ng mga kandidato ang festival at hindi lantarang nangampanya.

Kabilang sa mga dumalo ang mga pambato ng administrasyon na sina Imee Marcos, Ramon Revilla at Lito Lapid.

Masaya si Baguio City Mayor Mauricio Domogan na hindi nakihalubilo sa publiko ang mga kandidato at hindi naantala ang parade ngayong taon.

Nauna nang nagbabala si Domogon sa mga eepal na pulitiko dahil madalas na nakikisali ang mga ito sa parada habang namamahagi ang kanilang supporters ng campaign materials.

Hindi naman naiwasan nina Marcos, Revilla at Lapid na makipagkamay sa iilan na ipinagbabawal din.

Magaganap ngayong araw ng Linggo ang grand float parade.

Ayon kay Domogan, maaari namang dumalo ang mga kandidato sa event ngayong araw pero bawal mangampanya at mamigay ng mga election propaganda.

TAGS: Baguio City Mayor Mauricio Domogan, Bong Revilla, epal, grand float parade, Imee Marcos, kandidato, Lito Lapid, Panagbenga Festival, senatorial candidates, Baguio City Mayor Mauricio Domogan, Bong Revilla, epal, grand float parade, Imee Marcos, kandidato, Lito Lapid, Panagbenga Festival, senatorial candidates

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.