Sa pahayag ng Adamson University, papalitan ni Rogelio Getigan, head coach ng Kings Montessori School girls’ volleyball team si Padda.
Nagpapasalamat umano ang administrasyon ng unibersidad sa serbisyo ni Padda sa nakalipas na dalawang season ng UAAP bilang head coach.
Mananatili naman umano itong miyembro ng coaching staff.
Nagsimula ang karera ni Padda sa Adamson noong Season 79 kung saan sa ilalim ng kanyang liderato ay 13 beses natalo ang Lady Falcons at isang beses lamang nanalo.
Noong Season 80 naman ay muntik nang makapasok sa Final Four ang Adamson sa 6-8 record pero nauwi pa rin sa panglima sa standings.