Lusot na sa third and final reading sa senado ang 2016 national budget na aabot sa P3.002Trillion.
Labing-apat na mga Senador ang pumabor habang tumutol naman si Senador koko Pimentel at walang nag-abstain sa panukala.
Una Dito, Sinabi ni Senate President Franklin Drilon na matapos ang bicameral conference committee sa National Budget sa Decemebr 4 at mararatipikahan ang bicam report sa December 7 hanggang 11.
Target aniya ng mga mambabatas na maisumite kay Pangulong Noynoy Aquino ang Bicam report sa December 14 at mabigyan ng sampung araw na rebyuhin ang budget at mai-veto ng Pangulo ang mga line item na gusto nito.
Ang Senado ay kakatawanin sa Bicam nina Senador Loren Legarda, TG Guingona, Bam Aquino, Sonny Angara, Cynthia Villar, Tito Sotto, Juan Ponce Enrile at Ralph Recto.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.