Bilang ng patay sa gumuhong gold mine sa Indonesia, umabot na sa 6

Umabot na sa anim katao ang nasawi sa gumuhong minahan ng ginto sa Indonesia.

Ayon kay Abdul Muin Paputungan, opisyal mula sa Bolaang Mongondow District ng North Sulawesi, 19 katao na ang nasagip ng mga rescuer.

40 katao pa ang patuloy na pinaghahanap na natabunan sa minahan.

Sinabi ng national disaster agency na hindi bababa sa 140 katao mula sa iba’t ibang ahensya ang parte ng rescue operation sa lugar.

Nawasak ang beams at supporting boards sa minahan dahil sa malaking bilang ng mining holes.