Tropa ng Amerika at Pilipinas, muling sasabak sa bilateral exercise sa Fort Magsaysay

Kasado na ang panibagong bilateral exercise ng mga tropa ng Armed Forces of the Philippines at U.S. Army Pacific sa Fort Magsaysay sa Palayan Nueva Ecija.

Sisimulan ang tinatawag na Salaknib 2019, sa March 4 na tatagal hanggang March 24, 2019 ang pagsasanay ng dalawang tropa.

Isasagawa ang opening ceremony na pangungunahan nina U.S. Army 7th Infantry Division Commander Maj. Gen. Willard M. Burleson III af Philippine Army 7th Infantry Division Acting Commander Brig. Gen. Leonard T. Agustin.

Ang Salaknib ay isang taunang bilateral exercise na sponsored ng U.S. Army Pacific at pamamahalaan ng Philippine Army.

Layon ng pagsasanay na mapaganda pa ang kahandaan at tactical interoperability ng tropa ng U.S. and Philippine troops at para mapalakas pa ang multinational relationships ng dalawang bansa.

Inaasahang lalahukan ito ng mahigit 1,600 sundalo na sasabak sa jungle field training exercise, bilateral Command Post Exercise, Humanitarian Civic Action projects at iba pa.

Umaasa ang US at Pinoy Troops na magiging daan ang Exercise Salaknib 2019 para sa palitan ng kaalaman sa tactics, techniques, at procedures para sa Humanitarian Assistance Disaster Relief operations.

TAGS: American Troops, Bilateral exercises, Filipino Troops, American Troops, Bilateral exercises, Filipino Troops