Dalawang mangingisdang Pinoy nailigtas sa West PH Sea

Dalawang mangingisdang Pinoy ang nailigtas ng mga tauhan ng Vietnamese Navy sa karagatang sakop ng West Philippine Sea.

Tumalon sa karagatan sina Conrigal Mandarcos, 30 anyos at Reynante Mandarcos, 34 anyos upang makatakas umano sa pagmamalupit na nararanasan nila sa pinagtatrabahuhang barko.

Kapwa residente ng Occidental Mindoro ang dalawa.

Mga tauhan ng Vietnamese Navy sa Son Ca Island ang nakatagpo sa dalawang mangingisda kung saan agad silang dinala sa Parola Island, isa sa mga Philippine-occupied islands sa West Philippine Sea.

Matapos ito ay agad silang naiturn-over sa Philippine Navy.

Sumailalim na sa physical at medical assessment ang dalawa at maayos naman pareho ang kanilang kondisyon.