PNP-HPG: Mga pulitkong gumagamit ng wang-wang at blinkers hwag iboto
Hinimok ng isang opisyal ng Philippine National Police o PNP ang publiko na huwag iboto ang mga politiko na gumagamit ng “wang-wang.”
Ayon kay PNP-Highway Patrol Group Director Chief Supt. Roberto Fajardo, “kapag mali ay mali.”
Iginiit ng Fajardo na kung hindi sumusunod ang mga kandidato sa umiiral na pagbabawal sa wang-wang, mas lalong hindi dapat silang iboto ng mga tao.
Ipinaalala naman ng PNP official sa mga pulitiko na tanggalin na ang wang-wang sa kanilang mga sasakyan.
Kapag lalabag, sinabi ni Fajardo na kukumpiskahin ng mga pulis ang mga wang-wang at blinkers.
Kung ayaw naman ibigay, posibleng ma-impound ang sasakyang gagamit ng wang-wang.
Kamakailan ay naging viral sa social media ang paggamit ng wang-wang ng ilang sasakyang sinasabing pag-aari ng isang senatoriable.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.