Pulong nina Kim at Trump sa Vietnam magsisimula na ngayong araw
Kapwa nasa Vietnam na sina US President Donald Trump at North Korean leader Kim Jong-un para sa kanilang makasaysayang pulong.
Ang Vietnam summit ng dalawang lider ay ang kasunod ng serye ng mga pag-uusap ng dalawang lider sa Singapore noong nakaraang taon.
Sa pulong na magsisimula na mamaya, inaasahang mapag-uusapan nina Kim at Trump ang denuclearization ng Korean peninsula.
Batay sa schedule ng summit na inihayag ni White House spokeswoman Sarah Sanders, magkakaroon ng one-on-one conversation sina Trump at Kim Miyerkules ng gabi.
Susundan ito ng dinner kasama ang kanilang mga advisers.
Bukas naman araw ng Huwebes, kabi-kabilaan ang pulong na haharapin ng dalawang lider.
Samantala, napili ang Vietnam bilang lokasyon ng summit ng dalawang lider dahil sa malalim nitong ugnayan sa US at sa North Korea.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.