Duterte nais makausap si Misuari

By Chona Yu February 25, 2019 - 09:53 PM

May nag-aalburutong miyembro ng Moro National Liberation Front (MNLF).

Ito ang ibinuyag ni Pangulong Rodrigo Duterte sa kanyang talumpati sa unang National Assembly ng Liga ng mga Barangay sa Pilipinas sa Pasay City Lunes ng gabi.

Una rito, sinabi ng pamunuan ng MNLF na dismayado ang kanilang hanay na limang puwesto lamang ang ibinigay sa kanila ng pamahalaan sa Bangsamoro Transition Authority (BTA).

Ang BTA ang pansamantalang mamumuno sa Bangsamoro Autonomous Region in Muslim Mindanao (BARMM) matapos maratipikhan ang Bangsamoro Organic Law (BOL) na papalit sa Autonomous Region in Muslim Mindanao (ARMM).

Dahil dito, hinimok ni lang ni Duterte si MNLF Chairman Nur Misuari na lumabas para sila ay magkausap.

Utos ng Pangulo sa militar at pulis, hayaan lamang si Misuari.

May kasong rebelyon si Misuari dahil sa Zamboanga siege noong 2013.

Inatasan din ng Pangulo ang militar na hayaang makauwi sa bansa si National Democratic Front (NDF) chief negotiator Fidel Agcaoili.

TAGS: ARMM, Bangsamoro Organic Law, bangsamoro transition authority, BARMM, Fidel Agcaoili, mnlf, NDF, Nur Misuari, Pangulong Rodrigo Duterte, ARMM, Bangsamoro Organic Law, bangsamoro transition authority, BARMM, Fidel Agcaoili, mnlf, NDF, Nur Misuari, Pangulong Rodrigo Duterte

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.