Walang Pinoy na nadamay sa tangkang pag-hijack sa eroplano sa Bangladesh

Walang Pinoy na nadamay sa tangkang pag-hijack sa isang eroplano galing Bangladesh at patungo ng Dubai.

Ayon sa Department of Foreign Affairs (DFA) walang Filipino na sakay ang Biman Bangladesh flight na nag-emergency landing 40-minuto matapos mag-take off.

Sa ulat ng Philippine Embassy sa Dhaka ang Flight BG-147 na patungong Dubai ay nag-emergency landing sa Chattogram airport sa eastern side ng Bangladesh matapos na isang lalaking pasahero ang nangtangkang i-hijack ang eroplano.

Ligtas naman ang lahat ng pasahero ng naturang eroplano matapos na mailikas ang mga ito.