Patay ang pitong lalaki matapos maka-engkwentro ng mga tauhan ng Batangas pulis sa bayan ng Agoncillo.
Sa spot report ng Batangas police provincial office, naganap ang engkwentro alas 4:45 ng umaga ng Lunes, Feb. 25 sa Barangay Banyaga.
Sakay umano ng puting van ang mga suspek nang takasan nito ang checkpoint sa Barangay Berinayan sa bayan ng Laurel at pinaputukan pa ang mga pulis.
Doon na sila hinabol ng mga pulis ang mga suspek na nauwi sa palitan ng putok.
Iniuugnay ang pitong suspek sa serye ng robbery sa lalawigan.
Pinakahuling pinasok umano nila ang isang grocery store sa bayan ng Taal at tinangay nila ang aabot sa P150,000.
Sila din umano ang nasa likod ng insidente ng panloloob sa agriculture store sa bayan ng San Jose noong Agosto at Oktubre kung saan natangay naman nila ang P1.3 million na cash.