Presyo ng gasolina tumaas na ng mahigit P5/L mula noong Enero; diesel mahigit P4/L na ang itinaas

Simula noong Enero 2019 malaki na ang itinaas ng presyong produktong petrolyo ng mga kumpanya ng langis.

Kasama na ang halaga ng itinaas dahil sa excise tax, umabot na sa P5.04 kada litro ang itinaas ng presyo ng gasolina; P4.44 kada litro sa diesel at P3.17 kada litro sa kerosene.

Bukas, nakaamba na naman ang isang malakihang dagdag sa presyo ng mga produktong petrolyo.

Sa pagtaya ng oil industry sources, ang presyo ng gasolina ay tataas ng nasa P1.40 hanggang P1.75 kada litro, P1.40 hanggang P1.50 kada litro naman sa Diesel at P1.30 hanggang P1.40 sa kada litro ng kerosene.