Sinait, Ilocos Sur niyanig ng magnitude 4.6 na lindol

Niyanig ng magnitude 4.6 na lindol ang bayan ng Sinait sa lalawigan ng Ilocos Sur.

Naitala ng Phivolcs ang pagyanig sa 35 kilometers north west ng Sinait alas 3:27 ng madaling araw ng Lunes, Feb. 25.

Ayon sa Phivolcs tectonic ang orgin ng lindol at may lalim na 28 kilometers.

Naramdaman naman ang Intensity II sa Vigan City, Ilocos Sur at Pasuquin, Ilocos Norte dahil sa nasabing lindol.

Hindi naman ito inaasahang magdudulot ng pinsala at aftershocks.