300 kilo ng heroin, nasabat sa Sri Lanka

Nasamsam ang nasa 300 kilo ng heroin sa Colombo, Sri Lanka araw ng Linggo.

Ayon kay Sri Lankan police spokesman Ruwan Gunasekera, ni-raid ng anti-narcotics agents at police Special Task Force commandos ang parking area ng isang mall.

Natagpuan ang 272 plastic bag ng heroin sa loob ng dalawang van.

Nagkakahalaga ang nasabat na droga ng $17 million o katumbas ng P884,799,000.

Aniya, iniimbestigahan na kung paano nakapasok ang kontrabando sa naturang bansa.