Miss Universe Catriona Gray, emosyunal sa ikalawang Homecoming parade

By Len Montaño February 23, 2019 - 09:49 PM

Photo by ARMIN P. ADINA / Contributor

Nagpatuloy ang welcome party para kay Miss Universe 2018 Catriona Gray sa pamamagitan ng pangalawang parada sa Araneta Center Sabado ng hapon.

Muling dumagsa ang mga Pilipino para masilayan ang Filipina beauty queen.

Sakay si Catriona ng float na mas mas maliit sa ginamit sa parada araw ng Biyernes.

Hindi magkamayaw ang mga tao sa paghabol at paghanga sa kagandahan ni Catriona.

Bukod sa parada, ilan sa mga naging aktibidad ng dalaga sa kanyang homecoming ang guestings sa ilang television shows at courtesy call sa ilang tanggapan sa gobyerno.

Hindi nakitaan ng pagod si Catriona na laging nakangiti at kumakaway sa mga tao sa parada sa Araneta Center.

Halos maiyak na si Catriona sa mainit na pagtanggap sa kanya ng mga kababayan. Panay ang pasalamat nito at pagsabi na mahal niya ang mag Pilipino.

Suot ni Catriona ang green beaded jumpsuit na may asymmetrical neckline. Tinawag ito ng designer na si Mak Tumang na “Alon” bilang pagkilala sa yamang dagat ng bansa.

Photo by ARMIN P. ADINA / Contributor

Sa Linggo February 24 ay magkakaroon ng special tribute show na may titulong “Raise Your Flag for Catriona Gray” na gaganapin sa Smart Aranerta Coliseum.

Inaasahan ang pagbabalik ni Catriona sa bansa sa Hunyo para koronahan ang kanyang successor sa 2019 Binibining Pilipinas pageant.

TAGS: Alon, araneta center, Catriona Gray, homecoming parade, Mak Tumang, Miss Universe 2018, Raise Your Flag for Catriona Gray, Alon, araneta center, Catriona Gray, homecoming parade, Mak Tumang, Miss Universe 2018, Raise Your Flag for Catriona Gray

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.