Patay ang tatlong umanoy tulak ng droga sa shootout sa mga otoridad sa Daraga, Albay Biyernes ng gabi.
Kinilala ni Insp. Rodelon Betita, Daraga police chief, ang mga nasawi na sina Pedrito Tibay alyas Mao; Jeruth Catubig alyas Bunker at Carlo Rima.
Ang tatlo ay nagbenta umano ng shabu sa mga pulis na nagpanggap na buyer sa Purok 7, Barangay Binitayan alas 6:20 ng gabi.
Nang matunugan umano na pulis ang kanilang katransaksyon, isa sa mga suspek ang nagpaputok dahilan para gumanti ang mga otoridad na ikinamatay ng tatlo.
Sinabi ni Betita na isang pulis na nakasuot ng bullet-proof vest ang dalawang beses na tinamaan sa dibdib.
Narekober sa mga suspek ang 10 packs ng shabu na nagkakahalaga ng P100,000 at tatlong .38 pistols.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.