Pamumunuan ni Murad ang 80-member Bangsamoro Transition Authority (BTA), na mamamahala sa Bangsamoro region hanggang sa makapagdaos ng eleksyon para sa regular members ng Parliament nito sa 2022.
Nanumpa na rin ngayong araw kay Pangulong Duterte ang iba pang miyembro ng BTA.
Nilikha ang BARMM matapos maratipikahan ang Bangsamoro Organic Law (BOL).
Sa isinagawang dalawang round ng plebisito, ang bagong BARMM ay bubuuin ng mga lalawigan ng Lanao del Sur, Maguindanao, Basilan, Sulu, at Tawi-Tawi gayundin ng Marawi City, Lamitan City, Cotabato City at 63 barangay sa North Cotabato.
Ang mga halal na opisyal ng alisin nang Autonomous Region in Muslim Mindanao, ay magiging bahagi din ng BTA hanggang June 30, 2019 o hanggang sa matapos ang kanilang termino.