Napatay na party drug supplier sa Cebu City posibleng pinagkunan ng ecstasy ni Ashley Abad
Ang ecstasy tablet na ginamit ng nasawing si Ashley Abad ay posibleng galing umano kay Ken Kennet Rosales, ang party drug supplier na napatay sa engkwentro sa mga otoridad Biyernes (Feb. 22) ng madaling araw sa Cebu City.
Ayon kay Sr. Supt. Remus Medina, hepe ng Police Regional Office-7, Intelligence Division, maaring ang ginamit na ecstasy ni Abad noong pre-Sinulog concert ay si Rosales ang nag-suplay.
Iisang grupo lamang ani Medina ang supplier ng party drugs sa lugar.
Pero ani Medina, sa ngayon wala pa silang direktang ebidensya na mag-uugnay kay Rosales sa ecstasy na nakuha kay Abad.
Magugunitang nasawi si Abad noong Jan. 19 at kalaunan nakumpirma na ang pag-overdose sa ecstasy ang kaniyang ikinasawi.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.