Residential area nasunog sa Pasay City
Tinupok ng apoy ang isang residential area sa Pasay City, Biyernes ng tanghali.
Ayon kay Fire Officer 1 Reiner Bolorota ng Pasay City Fire Bureau, nagsimula ang apoy sa bahagi ng Mulawin St. sa Brgy. 187 Maricaban, Pasay City alas 12:40 ng tanghali.
Agad itong itinaas sa 2nd alarm makalipas lamang ang ilang minuto.
Patuloy pang inaalam ng mga otoridad kung ano ang pinagmulan ng apoy.
Ayon sa Pasay BFP, ala 1:39 naman ng hapon nang maideklarang kontrolado na ang apoy.
Wala namang nasaktan sa nasabing insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.