Fish vendor arestado matapos mahulihan ng baril sa Oriental Mindoro
Arestado ang isang fish vendor makaraang mahulihan ng baril sa isang checkpoint sa Mansalay, Oriental Mindoro Huwebes ng umaga.
Inaresto ang suspek na si Recardo Gusi, 42-anyos, sa itinalagang checkpoint sa bahagi ng Strong Republic Nautical Highway sa Barangay Teresita bandang alas tres kwarenta y singko ng madaling-araw.
Ayon kay acting Mimaropa police information officer Supt. Socrates Faltado, si Gusi ay residente ng bayan ng Rizal sa probinsya.
Nakuha sa suspek ang isang calibre .38 revolver na kargado ng anim na bala.
Sa ngayon, si Gusi ay nasa kustodiya ng Mansalay police.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.