Daan-daang flights sa U.S East Coast, nakansela dahil sa sama ng panahon

By Dona Dominguez-Cargullo, Lyle Kaye Returco - Radyo Inquirer Intern February 21, 2019 - 06:27 AM

Photo: The White House

Nakararanas pa rin ng matinding winter storm ang East Coast ng U.S dahilan para makansela ang daan-daang flights, at ipasara ang federal offices sa Washington.

Ayon kay Bryan Jackson, meteorologist ng National Weather Service Weather Prediction Center sa College Park, Maryland, naging malawakan ang pinsala ng winter storm sa Washington area.

Umabot sa 6 inches ang kapal ng snow sa mga kalsada ng New York metropolitan area na nagdulot ng matinding trapik sa lugar.

Sa ibang bahagi naman gaya ng Arizona, Colorado, New Mexico at Utah, umaabot na sa 1 foot-2 feet ang kapal ng snow sa mga naturang lugar

Naging dahilan ito para pilitang isara ng mga federal agencies sa Washington pati na din ang mga eskwelahan sa Philadelphia, Baltimore at sa nation’s capital.

TAGS: Washington, weather, winter storm, Washington, weather, winter storm

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.