PDA planong ipagbawal sa Children’s Park sa Baguio

Nais ipagbawal ang public display of affection (PDA) sa Children’s Park sa Burnham Park sa Baguio City.

Ito ay matapos maghain ng ordinansa si City Councilor Joel Alangsab na layong ipagbawal ang PDA ng dalawang tao dahil hindi umano ito magandang halimbawa sa mga kabataan.

Iginiit naman ng konsehal na ang mga kilos lamang na iskandaloso at malisyoso ang ipagbabawal.

Maaari pa rin ang paghahawak kamay ng magkansintahan at ‘kissing in a short manner.’

Kapag naipasa, mahaharap sa multang P2,000 ang mga mapapatunayang lalabag.

Matatandaang una nang naging maingay ang ilan sa mga ipinatutupad na ordinansa sa Baguio City.

Ilan sa mga baranggay ang nagpatupad na bawal na ang tsismis at pagsasampay ng underwear sa labas ng bahay.