Pagsasara sa Tandang Sora flyover hindi muna itutuloy
Sinang-ayunan ng Metropolitan Manila Development Authority o MMDA ang rekomendasyon ng Quezon City council na ipagpaliban ang pagsasara ng Tandang Sora flyover at intersection nito.
Iminungkahi ni Quezon City Vice Mayor Joy Belmonte ang pagpapaliban nito nang isang linggo para mas matalakay ang magiging traffic plan sa lugar.
Ayon kay MMDA General Manager Jojo Garcia, makabubuti ang rekomendasyon ng Q-C Council.
Maganda aniyang nagka-usap sila ni Belmonte para maayos ang mga itatalagang alternatibong ruta para sa publiko.
Sinabi pa ni Garcia na ipararating ang rekomendasyon sa Department of Transportation.
Nauna dito ay nakatakda sana sa February 23 ang pagsasara ng nasabing flyover para sa demolisyon at magbigay-daan sa pagtatayo ng MRT 7 sa kahabaan ng Commonwealth Avenue.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.