Iba pang establisyimento malapit sa Manila Bay na nakitaan ng paglabag inisyuhan ng cease-and-desist order
Isinilbi ng Laguna Lake Development Authority (LLDA) ang cease-and-desist orders sa mas marami pang establisyimento sa palibot ng Manila Bay.
Ang mga establisyimento ay inatasan ng LLDA na tumigil sa kanilang operasyon matapos madiskubre na nang kanilang waste water ay nagdudulot ng polusyon sa Manila Bay na sumasailalim sa rehabilitasyon.
Kabilang sa inatasang itigil ang operasyon ay ang branch ng fastfood giant na Jollibee sa Macapagal Blvd.
Pero ayon sa LLDA, nagpaabot na ng impormasyon ang pamunuan ng nasabing branch ng Jollibee na ititigil na nito ang operasyon at isasailaim nila sa repair ang nasira nilang sewage treatment plant.
Pinuntahan din ng LLDA ang HengFeng Kitchenette sa kahabaan ng Harrison St. para isilbi ang kautusan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.