Ilang kalsada isasara sa pagdating ni 2018 Miss Universe Catriona Gray
Inanunsiyo ng Metropolitan Manila Development Authority (MMDA) ang pagpapatupad ng stop-and-go traffic scheme sa mga kalsadang daraanan ng homecoming parade ni Miss Universe 2018 Catriona Gray.
Ibig-sabihin nito, magkakaroon ng mga oras na pahihintuin ang mga sasakyan para bigyang-daan ang parada.
Apektado nito ang ilang parte ng Pasay, Makati at Maynila partikular sa mga sumusunod na kalsada:
– J.W. Diokno Boulevard
– Atang Dela Rama (CCP Complex)
– Vicente Sotto Street (CCP Complex)
– Roxas Boulevard
– T.M. Kalaw Avenue
– Taft Avenue
– Sen. Gil Puyat Ave. (Buendia), at
– Ayala Avenue
Epektibo ang stop-and-go scheme sa araw ng Huwebes, February 21.
Samantala, sinabi ng MMDA na magtatalaga ng mahigit-kumulang 200 traffic enforcers sa kasagsagan ng parada simula alas dos ng hapon.
Aalisin din ng MMDA ang mga ilegal na nakaparada sa dadaanan ng parada.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.