PNP: Coastal patrol, palalakasin kasunod ng narekober na cocaine sa dagat

Palalakasin ng Philippine National Police (PNP) Maritime Group ang patrulya sa coastal areas sa bansa.

Ito ay kasunod ng pagka-rekober sa bloke-blokeng cocaine sa karagatang sakop ng bansa gaya sa Dinagat Islands.

Ayon kay PNP chief Director General Oscar Albayalde, may hakbang na rin ang pulisya para pagbutihin ang kapabilidad ng PNP Maritime Group.

Kabilang ang pagbili ng PNP ng de-motor na mga bangka na gagamitin sa patrulya.

Hindi naman nagbigay si Albayalde ng detalye kung ilan ang bibilhin ng PNP na motorized bancas.