Naaresto ng mga pulis dahil sa droga ang apat na miyembro ng isang mag-anak sa Brgy. San Perfecto, San Juan City.
Isinilbi ng San Juan Police ang search warrant na inilabas ng Pasig City Regional Trial Court Branch 152 laban kina Juan Jocarl Salvador Chua, Robert Joseph Chua, at Jason Chua.
Dito tumambad sa mga awtoridad ang 32 plastic sachet ng hinihinalang shabu at drug paraphernalia.
Huli rin sa operasyon ang isang Roberto Chua.
Dinala ang mga suspek sa Jose Reyes Medical Center para sa physical examination at isinailalim din sila sa drug test sa Crime Laboratory Service ng Eastern Police District.
Ang mga ebidensya naman na nakuha ng pulisya ay dinala na rin sa crime lab para masuri.
Inihahanda na ang mga kasong paglabag sa Comprehensive Dangerous Drugs Act of 2002 laban sa mga suspek.