6 arestado sa operasyon kontra ilegal na droga sa QC; panty at damit ginagamit pambayad kapalit ng shabu
Sa isang fast-food chain sa Novaliches, tatlong lalaki at isang babae ang naaresto ng mga tauhan ng station 4 ng Quezon City Police District (QCPD).
Target ng operasyon ang isang alyas Alon na matapos madakip ay umaming sangkot sa pagbebenta ng shabu dahil dalawang taon na umano siyang walang trabaho.
Nakuha sa apat ang tinatayang P346,000 na halaga ng ilegal na droga.
Kung walang pambayad ang kliyente, sinabi ni Alon na tumatanggap din siya ng damit at cellphone kapalit ng shabu.
Samantala, sa Pasong Tamo, nadakip naman ang mag-ina makaraang salakayin ang kanilang tinitirahan na ginagamit bilang drug den.
Nakita pa sa cellphone ni alyas Marie ang conversation nito sa isang kliyente na nag-aalok ng 5 bagong panty kapalit ng isang sachet ng shabu.
Ayon kay Marie, mga dealer ng underwear at cosmetic products ang ilan niyang parokyano.
Kasong paglabag sa Republic Act 9165 o Comprehensive Dangerous Drugs Act of 2002 ang isasampa laban sa anim.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.